Naboomfontein Kampe het huidiglik 'n tuiste saam met Naboomfontein Gastehuis en Potties Besproeiïng op die Myburgh familieplaas geleë in Limpopo, sowat 23,5 km vanaf Mookgophong (voorheen Naboomspruit). Dit is gerieflik geleë op die R101 tussen Naboomspruit/Mookgophong na Pietersburg/Mokopane en ongeveer 2,5 ure se ry van Johannesburg af.

Naboomfontein Kampe word gekenmerk deur 'n vriendelike, ontspanne atmosfeer en met teer lofprysing word almal nader na God se hart gelei. Gedurende die kampe word daar hoop en lering gebring gebaseer op die Woord van God om sodoende kameraadskap te kweek tussen mense en groep maar ook om mense en groepe in hulle bedieninge vry te laat. Naboomfontein Kampe vat ook hande met hierdie bedieninge om hulle dan ook by te staan in hulle vroeë jare.